افتكرت ف يوم حبيبتي

افتكرت ف يوم حبيبتي
اللى ما عرفت يوم وفا
اللى ورتني حرارة صهد صيفها
أو شتايا اللى انقضى من غير دفا
ولا جرحي اللي بينزف
من عمايل سن سيفها
واسكت واداري الشوق ف قلبي
وفى الخــِفا
ويجي صاحبي برضه
مجروح من وليفته !!!
يحكي برضه يفكرالقلب
اللى عمره مــَشاف صـَـفا
ويقــَـلــِّب االشوق اللى ساكْــنـُـه
والغرام اللى انطفى .........
اه لو اقدر اكتبك
كلمه فى قصيده
أعْــمـِـلــِّـي ندوه كبيره خالص
مثلا ف نادي الشمس ويا مزتين
بس عصافير اللى قاعده
وكل عصفورهامسكه أهمس فى ودنه كلمتين
جوه ودنه صدقينى
أكيد أكيد حا يكونله ودن !!
طب حا يسمع يللا قولي إزاي منين ؟
اكيد اكيد حايكونله ودن
ولا ممكن الطيور تشبه حالاتي
مش بتسمع غير بقلب
وأنا قـلبي سمعك صدقك
احلف برحمة حبنا
إنا قلبي سمعك صدقك
اااااه لو أقدر اكتبك
بقلم رصاص
بدل الرصاصه
يبقى سهل امسحك
اهو تعيشى وتعرفي
حـُــرْقـــة القلب اللى عاشق
واللى عشقه سابه لاص
طب ورحمة حبنا
بعدك ما لاقى اي مهرب او مناص
أحلف برحمة حبنا
اللى ما كان ليش نصيب امشي ف جنازته
إن قلبي بجد فعلا صدقك
وان قلبي العاشق إستحلى مزازته
من كلمتين دودو وبحبك
ركب الجناحات وطار
زي الفراشه
وراح أوام على شمعتك
يولع بنار ويتحرق
ونفترق
وشوقه ليكي يتسرق
يرجع المخدوع وحيد
سكران بكاسه وبقزازته
أااااه لو اعرف ارسمك
على حيطه بالطباشير يا دوب
وحرف إسمي جوه قلب
وحرف إسمك مش مهم
مالوش قلوب
تنزل المطره على اسمك
يـــُدوب
تنزل المطره على اسمي
يزرَّع شجره بتفرع مرار
بس فيها زهره حلوه
تحكي ع الحب ولذاذته .......
الوقتى مش حا احلف برحمة حبنا
حا حلف بحزني والدموع
حا احلف بقلبي اللى انكسر
مع إن قلبى عمره ما يعرف خضوع
قلبي بيقولى اروح السيده
واكشف لها صدري تشوف
وان عجبها يبقى عمرى ف يوم مقامها ما راح أطوف
أبقى آخد قلبي يللا
وبينا نجري ع الحسين
مع إنها أم العواجز يا حسين بس ظلمتني وشوف !!!
وافتح الصدر اللى مليان من جراحك
يشهد الدراويش عليكي
واشرح لهم نظره عنيكي
أد إيه كانت جميله
وأد إيه الحلم بيكي
كان يحسسنى إنى مش واحداني
لا دانتى ألوف
واشرح لسيــِّدنا ودراويشه الغرام
وأقوله صوتها كان يا دوب هديل حمام
واقوله لمسة إيدها
لمسة إيد إيزيس
لملمتني كل حته من جبل
وطيرتني فوووووق هناك
عند السحايب والغمام
باختصار يا سـِــيدنا اقولك با ختصار
حولت عمري لمنام
طب ورحمة حبنا
مازلت لسه بحبها