كنت مستنيكي

كل يوم الصبح اقوم


على عطر جاىمن الغيطان


عطر المهم ما شفت زيه من زمان


غير لما انام وبيكى أحلم


واصحى على صوت الأدان


يخرج الناس من بيوتهم


ماشيه فى شوارعك امان


كنتى دايماً حاجه حلوه منوره كل المكان


كنت إنتى البسمه ساكنه الشفـتين


كنتى قلبى وكنتى روحى


وكنتى عندى نن عين


كنتى أجمل صبح عندى


فاكره ؟ كنتى تطلعى


من قلب قلبى تصبْحى


ولجوه قلبى تانى تجرى وتستخبى


خايفه حد يلمحك


كات بتبقى الدنيا رايحه


لو انتى رايحه


ولو انتى جايه الدنيا جايه


والدنيا سرحانه وتايهه لو إنتى سارحه


كنتى فــرحه


وواعده قلبى بألف وعد


كنت مستنيكى بكره


وبكره عدى من سنين


كنت مستنيكى بعده


وعدى برضه كئيب حزين


كنت مستنيكى اعيش


كنت مستنيكى تيجى


لكن انتى للأسف


ما بترجعيش

للكاتب الجميل
عادل امين

اذا كل عاشق له نصيب كل يوم يسمع ويستنشق ويرى جمال بالشكل ده فعلى الدنيا السلام بمشاكلها واهوالها

اهنيكى اختى العزيزه على انتقائك كلام الاستاذ العزيز الكبير عادل ذلك الكلام المنمق الجميل اللى يوصل للقلب بسرعه الرحيق

كتابة عذب الكلمات للاستاذ الجميل
عادل امين
وصول عذوبتها للناس الذوق
سببه رحيق
كم انت رائع حمادة(محمد رجب)

يا ريت اللي راح يرجع

المكان واحشني جدا، لقاؤكم يسعدني احبتي .